Artıq uzun müddətdir ki, birini sevirsiz. Və o sizə özünüzü sübut etmək, onun xoşuna gələ bilmək üçün bir şans verib və sizinlə görüşü qəbul edib. Bu görüşü uzun müddətdir ki, gözləyirsiniz, hər şeyin qüsursuz olmasını istəyirsiz, özünüzü necə aparmaq, onun xoşuna necə gəlmək haqda fikirləşirsiz.. Budur, sizə ilk görüşdə çox kömək edə biləcək bir neçə məsləhətimiz var.
Heç vaxt gecikməyin
Bunu heç ağlınıza belə gətirməyin. O sizə bir şans verib və siz ilk görüşdə geciksəniz onda sizə qarşı məsuliyyətsiz biri olduğunuz haqda fikir yarana bilər. Yaxşı olar ki görüş yerinə hətta bir az tez getməyi nəzərə alasınız. Evdən çıxanda yolda nələrin baş verə biləcəyini də heç kim bilmir. Tez çıxın ki baş verə biləcək vaxt itkisinə hazırlıqlı ola biləsiz.
Sadə, ama cazibədar geyinin

İlk görüş üçün hamı paltar seçimində əziyyət çəkir. Bu təbii haldır. Lakin paltar seçimini çalışın ki düzgün edəsiz. Sadə geyimlərə üstünlük verin. Düzdü, paltarlara diqqət etmək lazımdı ama ifratçılıq etməyin. Yadınızda saxlayın, sadə olmaq paltarla gözə girməkdən yaxşı təəssürat yaradır.
Özünüz olun

İlk görüşdə ediləsi ən böyük səhv özünüz kimi davranmamaqdır. Məsələn, özünü hər şeydən məlumatı varmış kimi göstərmək. Onu maraqlandıran mövzulardan danışın.

Gediləcək yeri əvvəldən seçin. İlk görüşdə çalışın ki heç də romantik və sakit yerlər seçməyəsiz. Əksinə, kinoya getmək, və ya sakit bir kafedə oturub söhbət etmək daha maraqlı olar. Söhbət qurtaranda yeni mövzu tapmaq üçün çox əziyyət çəkəsi olmayacaqsınız.

Özünüzdən çox danışmayın

Hər cümləni özünüzə aid qurmayın. Çalışın ki o özü haqda sizə daha çox danışsın. İlk görüşdən onda özünüzə qarşı maraqsız fikirli bir adam imici yaratmayın. Hər cümlənin sonunu özünüzə tuş gətirsəz bu heç də onda gözəl təəssürat yaratmayacaq.

Problemlərinizdən danışmayın

Bunu ağlınıza belə gətirməyin. İlk görüşdə, söhbətin ortasında, mövzu fırlanıb problemlərə çıxanda ağlaşma qurmaq heç məsləhət deyil...

Telefona diqqət

Görüşdüyünüz insanın yanında davamlı olaraq telefonla danışmaq və ya yazışmaq en azından mədəniyyətsizlikdi. Həm telefon hamıda var, vacib lazım olmadığı vaxt ərzində onu çıxardıb göstərməyə dəyməz