Sən məni tərk etdin boranda qarda
Bilmirəm sevgilim hardasan harda
Tənha bir otaqda rəsmin divarda
Gözlərin gözümə baxır dayanmır

Nə bilim sən məni unudacaqsan
Sən sevinc yerinə qəm dadacaqsan
Düşünürəm bəlkədə qayıdacaqsan
Hicransa ürəyi sıxır dayanmır

Mən səni sevmərəm sevirəm desən?
Bilmirəm şeytansan iblissən nəsən
Həyatda kiməsə pislik eyləsən
Allah əvəzini çıxır dayanmır